السلام عليكم
نزلوووووو
لأنك بلتزامك مو من اهلك
وخاف تشيل ذنبي مو من اهلك
منو بكدي يحبك مو من اهلك
منو بكدي يحبك من عشرتك
ويتمنة يصير اصبع من عشرتك
وانا شكضيت خايب من عشرتك
اعد لسنين عشرتنة ولجروح
وحس وي النفس يطلع وهج روح
واخيرا كتلي ودعني وهج روح
اروحن وين ما اكدر هوة انتة
وانا لما هان من اجلك هوة انتة
الي بدنياي شي واحد هوة انتة
وحرت بين التركتة والتبعتة
ما باعك حبيبك وانتة بعتة
حبيبك باع عمرة واشتراك بي
وبعد شدوس كلبي وشترك بي
جبل حبك من تكلكل من تكل بي
يدنية شما نفعتي لن تكلبي
واذا تنساة يكلبي لنتة كلبي
ولا ريدك بعد وبصدري احملك
حبيبي شون ترضة بصدري حملك
اذا حملك يتعبك وك صدري حمل لك
الي وروحي الارض وشكد دولهة
تداوي الداء لو بلمخ دولهة
والك بس العين مايحصل دولهة
دواهة العين خلهة من تقر بي
تصب كلما تشوفك منتة قربي
ولك شيصير حبك من تقر بي
وتحبني انتة يقين بصدري مو شك
والف شوكة السكوت بصدري مو شك
انثبح كلبي وتشضة بصدري مو شك
عرف محد يدفنة وشي دفن شي
وعكب صدر المواكد شي دفن شي
واللة كفر من رسم غيرك شي دافنشي
واضن للجنة يدخل بس يرسمك
حبيبك يمسح اسمة من يرى اسمك
بسمك حبي جمالك من يرسمك
وانا اليل بعيونك شفتة كحلة
وشفت شمس الاصيل وشفتك احلى
العسل من ضكتة كلك شفتك احلى
اذن لو من شفاهك بستك اشفة
لك انتة المات يعدل بس تكشفة
اشتضن حبك يتعبك بس تكشفة
وعلي تخفي اهتمامك واكتراثك
وانا المن مات كلبي واكتي راثك
نسيت الحب الاول واك تراثك
وصدك ينسة تراثة هسة اجيلك
انادي وما تكلي هسة اجيلك
تشوف سواج عيني هلسجي لك
صحتلك يا وصارت كفر يائي
اذا رائيت بلشط كبريائي
حبيبي شلون تجرح كبريائي
وتضلني كبال كل ناسك وناسي
وانا صفيت بصحرة شاتلني وناسي
ناس دكول لاتسكت وناسي
لان كلش مذلتي لاكت لهم
وجبل حبي المقدس لاكتلهم
كالو حيل ذلك لاكتلهم
عناية حتاج كلبة وجاة يعاني
وخفيت شكثر منك وجايع اني
وك تمرمرني نزورك جاي اعاني
اشكثر ندمان جي بيتك عتبتة
وعرفني الباب من دكتي وعتبتة
عتابي وياك جي احبك عتبتة
كلبي شلون يمهم وك كسرتة
اسير وذل شجالك وك كسرتة
كبل جانت اسرتك وك اسرتة
اسرتك هسة سمتني الضحية
اهداء الى
جميع الاعضاء
الرئيسية 
