قصة في الحب(هجر وغدر وفوك القهر خيانه) نقلاً عن صاحبها

قصه حب عراقيه بحته

يغمرها الحزن

في عالم الحب

وعدم الاحساس بالاخر

عن احد الاصدقاء الي يرويها اليه وهو مدمع العينين

وجريح القلب والفؤاد

الصديق

فد يوم من الايام

جنت راجع من الشغل اني واخويه

بالصدفه رفعت عيني وشفت بنيه الله يسترعليه

اني شفتهه اتحرك بداخلي شعور ماحاس بي بتجاه اي ابنيه اوبقيت افكر بيهه 24 ساعه!!!

وصورتهه ماتفاركني!!!

وتكدر ادكول حبيتهه من اول نضره !!!

وضاعت مني بقيت اوكف على الحله مال المدرسه حته اشوفه بس هم ما شفته وبقيت ادور!!!

وفجئه ايصير مناسبه

بالمدرسه والكاهه اكبالي

يمه عبالك شايف ملاك

ولحكتهه لحد بيتهم

واندليته وارتاحيت...

وبقيت لاحكهه سنتين واني ماكدر اتحارش بيهه اخاف اتفشلني

واكول خلي ابقه اتمل دزيتلهه هواي بنات بس ماكو فايده وبقيت اتمالك نفسي واكول اشلون يربي وعايش بالصبر؟؟؟

ودفعت حته فلوس وماصارت!!!

وشاء القدر صاحبي حب

وهاي الوحده بيتهم بالدوره...

وعدني بس يزوجهه هوه يعرفني عليهه عن طريق زوجته

وصبرت وحته بنات ماحبيت الى حته لدكول هذا ابوبنات وترفض

ازوج صاحبي حبيبته الي يحبه

وعلى مودي خلاهه اتكمل دراسه!!!

وداومت اول يوم من السنه الجديده الدراسيه

رحنه انجيب مرت صاحبي

صاعدنه بالسياره ونطتني دفتر

مالتهه طلعت هيه وياهه كاعدات ابنفس الرحله...

وثاني يوم رحنه انجيبهه

كتلهه بشري

ردت عليه اتكلي انته ابو بنات وهيه ابنيه فقيره

وعلمودهه عفت كل علاقاتي

وقسمت برب العالمين أذا اتعرف عليهه بعد مااحب ولا ابنيه

اوبقيت على هاي الحطه عشر ايام

والصبر موتني

اليوم ال هدعش كالتلي اتريد اتشوفك!!!

اتفاجئة وبعد ما اعرف شسوي

مااحجيلك الليل مانمته انتضر الصبح يطلع واروح اشوف حبيبتي الي حبيتهه

اوقسمت ما اخونهه كبل لا احجي وياهه

اجه الصبح وتشيكت وطلعت اخر صيحه..

كلتله الزوجت صاحبي وينهه

كالتلي مو هسه من نطلع الظهر

ماحجيلك اشصار بيه الضهر صار عليه سنه

كول بعد عناء طويل اجتي الحله مال المدرسه مال البنات اوطلعن البنات

او مشيت اني وصاحبي وهيه اومرت صاحبي اومااحجيلك الخجل البي اني والموقف الحاسم

شكالتلي مرت صاحبي أذ امد ايدي عليك اخذ الرقم والله صدك مشينه شويه ومدتلي ايدهه اخذت الرقم بس شفته وشككته

شكالتلي ليش شككته كلتلهه حفضته

وهيه هم ماخذه رقمي

وانتضر اول يوم مادكت واني هم مادكيت شكالولي بيع ثكل واني بليس ابليسي مشتعل

والله اليوم الثاني اول مارجعت من المدرسه دكيت

وراهه حجيت وياهه وكالتلي اني ماكدر اسوي علاقه حب

لان اريد ادرس

كتله اوكي انتظرج على متكملين

واتفقنه على هذا المنهاج

وبعد فتره قليله يعني كلش قليله

واتفاجئ بخبر سكرني اوبقيت ابجي عليه اسبوع

عرفتهه سبب رفضهه للعلاقه بكوني احبه حبه لامه؟؟؟

اتحب واحد كرايبهه...

وبقيت امجلبلهه لان حبهه صار فدشي يسري ابدمي

عفته فتره بس ماصبرت

كامت تدرس يم المدرسه الي ابمنطقتنه يعني بينهم خصوصي وكامت يوميه اشوفهها

وبلليل اكضيهه بواجي

والله سمعت هيه وحبيبهه متعاركين!!!

وحبيت اصير فضولي واخابرهه...

فاجئتني ابموضوع كالتلي أذا اتحبني صدك اتقدملي

واني ماجذبت خبر حجيت لمي رفضت

وحاربته وتخبلت عليه

لحد ماكالتلي موافقه ازوجلكياهه بس بشرط اريد احجي ويه البنيه لان اني وياهه راح انعيش بهذا البيت

وكلت للبنيه وافقت

حجت وياهه امي؟؟؟

ونطته شروط تعجيزيه

امي كالتلهه يوميه امسح البيت ثلث مرات

كالتلهه عادي خاله

كلتلهه تخبزين وتعجنيين

كاتلهه اوكي خاله...

اويوم من ايام؟؟؟

اجتي للمدرسه الي داخله يمه خصوصي هيه وصديقتهه وجان اجلب بيهه واطببهه للبيت

يمه هي طبت عبالك ملاك

كالتلهه امي ماعدنه بنات يلبسن بناطير كلتلهه عادي اني البسج بنطرون

اوبقيت على هلحال واني لاني العريس ومتونس بحياتي ولا اني الميت وكاطع نفسي من عدهه

اوبقيت مخلص لحد اخر لحض

بس شيفيد حرضتني علزواج

وبعدين رفضت ابهاي الفتره

كلتهه ابويه لح ان ازوج بنت عمي واني رافض هذا الشي بتاتن اويوميه كايلي

هوه سمع اريد ازوج جن يكلي ليش بنت عمك بيهه شي كتله احب ابنيه واريد ازوجهه

كالي اني اموافق على هي البنيه بس لازم انته هاي السنه تتزوج لان امك تعبت

وره كل هلحجي لحيت عليهه هوايه

ادكلي اني هسهه مامفكره بالزواج

وكل هذا اوبقيت مخلص وما حبيت على وحده غيرهه حته مره رهمة ازوج وحده من شط العرب

(المدرسه مال البنات ) بس كلت لا اخاف تسمع وتنقهر

بقيت كل ماترهم ازوج وحده غريبه اخابرهه اكللهه يابه راح ازوج ما تراجعتي اتكلي اله اتوضف

اوبقيت احلم بيهه وكمت بدل ماانساهه احبه اكثر

لحد ما ابويه كالي ابني الي اتحبهه رفضتك ليش اتخرب علاقتي ابعمك

لان بنته ما بيهه قصور وبنيه حلوه بذاك الوكت حاربوني بيت جدي وعمامي كلهم

واني هم حاربت نفسي وكمت اتمنه الموت اليوم كبل باجر لحد ما ايست وافقت ازوج بنت عمي وجنت اعرف ان حياتي راح تدمر بدون الي احبهه

وافقت بعد ما حلفلي ابويه وكالي أذا مارتاحيت بزواجك اني ازوجك وحده لخ

وتزوجت بس بعد ما تخيلت بنت عمي هاي الي احبهه

وقت الي اصحه

من تخيلي اوما الكه حبيبتي اكتل روحي من القهر والي يصبرني على مصيبتي بس الشرب والجكاير

وره الزواج اشتاقيتلهه حيل بحيث اني اسبوع كامل اني ماطاب للبيت

وشاء القدر اناحجي وياهه

اول كلمه كلتلهيا ليش شسويتي هيج بيه اتكلي انته استعجلت ونته اختاريت هيج!!!

عاد بقيت فتره اكلهه مني السبب اتكلي اي وطبكت وياهه عليه

عاد بقيت باليوم الي احجي وياهه

ارجع للبيت فرحان ويوم الي مااحجي وياهه

ارجع الدنيه طافره من عيني

وبقيت متعذب كتله انتي الشي الوحيد الي ينسيني الزواج ويريحني

وضليت خايف عليهه وكلتلهه اخاف عليج اكثر من مرتي الي هيه بنت عمي تضحك ومتحس شصاير بيه وره فتره كامت اتخرب عليه البنيه الي عرفتني عليهه

أذا اتكللهه احجي ويه اثير تحجي وييايه واذا كالتلهه لتحجين ويه متشيل التلفون لو ترفضني

كامت اتعوفني شهر اتعذب ويوم اتريحني اخر فتره كلتلهه يابه خلي نزوج واجرلج بيت وحدج اتكلي لا اني بنيه واريد اشوف مستقبلي

كلتلهه اخليج اداوميين كليلي وتتوضفين اتكلي واهلك اكلهه انتي اغله من روحي عليه

اتكلي لا انساني واني لهل لحضه احبهه واموت عليهه كلتلهه والله لو تزوجين عشر زلم واني اصير الهدعش هم ازوجج

وتخيل اليوم رحت داشوفهه وصلت الباب بيتهم وجان ادير وجهه عليه

حست شفت الكمر

وهسه اني احبه للموت رغم الصار

وراح ابقه احبه

وهسه فتيان اريدك اتسويلي قصيده

لان عيد ميلادها يوم 31/1

واريد انتطيهيا

واشوفه لاخر مره

الغريب: تدلل خيو انشااله اكتبه الك

وكتبته

عيدميلادك

عيد ميلادك يغالي وبالحزن جايك اهني

وكل عام وانت بخير ولوما الحزم محبوبي اغني

حزن الهجر حزن الغدر حزن وبالبعد ياكثر وني

ردتك طير الوسن ليه لجن خاب وبالعشك ضني

انتظرتك وانه المشتاك لحضانك وماهمني كبر سني

قدمتلك اغله مايمكن ولجلك مثلت بالعشك فني

منذليت انه بدنيتي وحبك من دون البشر ذلني

لان شفت الخيانه وياك وبجيت عيون منعيوني ذني

اسكت لا تسولف بعد ولاتكعد بعد الحصل تسالني

تمنيت الموت بغيابك وبس شوكي لشوفتك صبرني

انه اسف اشكيلك احزاني واترجاك تعذرني

انه رايح مابعد انشاف واريد بالعشك تذكرني

انه رايح مابعد انشاف واريد بالعشك تذكرني

اسف لم اذكر الاسماء

وهي نقلة بموافقة صاحب القصه

» قصة حب من اجمل قصص الحب
» الحب....مو كل شيء
» جزيره الحب ؟؟؟؟؟
» الحب و الامل
» امثال عن الحب